Perime Në Furrë është një recetë shumë e thjeshtë e cila ju ndihmon si të piqni në mënyrë të shijshme dhe të shëndetshme mix perimesh që mund të keni apo ju ndodhen në frigoriferin tuaj.
Për më tepër që perimet e furrës mund të shërbehen si një sallatë, shoqëruese e pjatave me bazë mishi, pule, peshku, apo edhe për ti përdorur në receta të tjera si sallata pastash të ftohta, etj.
Si ti pjekim perimet e perziera në furrë
Duke qënë se perimet i pjekim në të njëtën tavë po kanë kohë gatimi të ngryshme, ajo çfarë bëjmë është ti presim në madhësinë e duhur në mënyrë që të gatuhen si duhen. Kështu, perimet që kërkojnë më tepër kohë pjekje i presim në pjesë më të vogla. Ndërkohë perimet që gatuhen më shpejt si lulelakra, speci, etj, i presim në pjesë më të mëdha.
Nëse doni ti përdorni perimet e pjekura në receta me pasta apo drithëra të tjera, mirë është ti presim të gjitha në pjesë më të vogla dhe përdorim edhe pak bukë të thekur në proçesin e marinimit të tyre.
Perimet e pjekura në recetën e sotme janë servirur në formë sallate. Ju mund të provoni edhe Rabbit In The Oven-Lepur Me Perime Në Furrë
Përbërësit
- 1 lulelakër e vogël
- 1 brokoli e vogël
- dy karrota
- 2-patëllxhanë
- 2- kungulleshka
- 1-2 qepë të kuqe
- 2-3 speca të kuqe
- 2-3 speca jeshile
- ullinj
- Perime të tjëra sipas dëshirës
Për marinimin përpara pjekjes
- Kripë, vaj ulliri, rigon, trumzë, rozmarinë
Marinimi pas pjekjes
- Vaj ulliri, kripë, piper, limon, rozmarinë
Përgatitja
- Do të lajmë dhe pastrojmë të gjitha perimet duke i larë mirë në ujë të rrjedhshëm, i pastrojmë nga lëkura nëse duhet (karrota, qepa) dhe do i presim në copa. Karrotat i presim në pjesë me të vogla pasi kërkojnë pak më tepër kohë gatimi krahasuar me perimet e tjera në listën tonë.
- Po kështu patëllxhanet dhe kungulleshkat i presim në copa me 4-5 cm të mëdha. Vijomë me specat me copa, duke eleminuat farat dhe bishtat. Qepën gjithashtu e presim në feta. Brokoli dhe lulelakra i presim sipas lulesës së tyre.
- Të gjitha perimet do i marinojmë me kripë dhe vaj ulliri dhe i kalojmë në një tavë të veshur me letër furre.
- I spërkasim me erëzat që duam si rigon dhe rozmarinë dhe i pjekim në furrë të parangrohur në 200 gradë për 30 minuta, ose sa të shohim që perimet marrin ngjyrën e bukur të pjekjes.
- Perimet i heqim nga tava dhe i shërbejmë bukur në një pjatë duke i shijuar dhe me vaj ulliri, rozmarinë të freskët dhe lëng limoni sipas dëshirës.
Ju Bëftë Mirë!
Në Përmbyllje
“As an Amazon Associate, I earn from qualifying purchases. Full disclosure.”