Greek Orange Cake Recipe-Family Cooking Recipes

Greek Orange Cake Recipe-Portokalopita-Shije Portokalli

by

Portokalopita është një ëmbëlsirë tradicionale e kuzhinës greke me bazë frutin e portokallit. Ëmbëlsira bën pjesë në grupin e ëmbëlsirave me sherbet dhe gatuhet me petë bakllavaje.

Si vende fqinje dhe shumica e shqiptarëve kanë të afërm emigrante në atë vend, kemi huazuar receta të ndryshme. Receta që po ndajmë sot është një nga të parapëlqyerat tona. Portokalli është një frut që përdoret gjerësisht ne receta gatimi gjatë stinës së dimrit si në biskota, kek, sallatë, etj.

Kjo është një ëmbëlsirë që shijon më së miri edhe gjatë këtij muaji festash. Nëse ju pëlqejnë ëmbëlsirat me sherbet mund të provoni edhe  Kadaifin me arra dhe bakllavanë me arra.

Përbërësit

  • 1 pako petë për bakllava 450 g
  • Vezë 3
  • Sheqer 150 g
  • Qumësht 250 ml
  • Vaj 250 ml
  • Lëkurë portokalli
  • 2 portokalle
  • Fryrës për ëmbëlsira 1 pako
  • Vanilje

Për sherbetin

  • 500 g sheqer
  • 350 ml lëng portokalli + ujë
  • Një shkop kanellë
  • 1 fetë portokall

Përgatitja

  1. Në fillim do të përgatisim petët duke i mbedhur pale-pale si firzamonike.
  2. I vendosim në një tavë dhe i thajmë në furrë me 100 gradë për 1 orë.Greek Orange Cake Recipe-Family Cooking Recipes
  3. Ndërkohë do të vendosim 2 portokalle të ziejnë për 1 orë dhe i lëmë të ftohen. Portokallet i ziejmë vetëm me ujë me kapak mbuluar.
  4. Do të përgatisim dhe sherbetin. Kështu shtojmë në një tenxhere përbërësit për sherbetin dhe e vëmë në zjarr të ziejë sa te marri një vlim dhe e lëmë të ftohet.Greek Orange Cake Recipe-Family Cooking Recipes
  5. Bëjmë masën kremoze. Do ti presim portokallet e ziera në mes dhe i shtrydhim lëngun, të cilin nuk e përdorim.Greek Orange Cake Recipe-Family Cooking Recipes
  6. Tulin e portokallit e hedhim në një tas të madh dhe shtojmë sheqerin dhe i përziejmë mirë me mikserin me korent, që të bëhet një masë kremoze.Greek Orange Cake Recipe-Family Cooking Recipes
  7. Shtojmë vezët, vajin, qumështin dhe aromat. Shtojmë edhe fryrësin dhe e përziejmë mirë që të bëhet një masë homogjene.
  8. Ndërkohë petët janë tharë dhe i thërmojmë imët. Masën e petëve e hedhim te masa kremoze pjesë-pjesë dhe e përziejmë mirë.Greek Orange Cake Recipe-Family Cooking Recipes
  9. Brumin e formuar e hedhim në 1 tavë qelqi pirex të lyer me gjalp dhe miell dhe e pjekim ëmbëlsirën në furrë të nxehur në 170 gradë për 45 minuta.
  10. Gjithsesi do bëjmë provën me kunj dhëmbësh.Greek Orange Cake Recipe-Family Cooking Recipes
  11. E nxjerrim portokalopitën nga furra, e lëmë disa minuta dhe i hedhim sherbetin e ftohtë sipër.Greek Orange Cake Recipe-Family Cooking Recipes
  12. Kur të përthithet i gjithi sherbeti pas pak minutash, do e presim në copa si të dëshironi ju. E lëmë të ftohet dhe e servirim ashtu siç është, shoqëruar me akullore ose kafe.

Ju Bëftë Mirë!Greek Orange Cake Recipe-Family Cooking Recipes

Në Përmbyllje

Faleminderit që na mbështesni dhe provoni recetat tona. Jeni të mirëpritur të lini një koment apo pyetje lidhur me recetën apo Blogun tonë. Ne vlerësojmë opinionin tuaj dhe përmirësohemi falë jush.
Mos harroni të na ndiqni në faqet tona pranë rrjeteve sociale Facebook dhe Instagram për të mësuar recetat tona më të fundit.

“As an Amazon Associate, I earn from qualifying purchases. Full disclosure.”

 

Leave a Comment