Easy Phyllo Dough Recipe-Receta Klasike E Brumit Per Byrek

Ne do të sjellim vazhdimisht receta të ndryshme byreku. Por sot, më pëlqen të ndaj me ju si Recetën Klasike E Brumit Per Byrek. Ndaj, dua të tregoj se si të përgatisim brumin e byrekut në shtëpi, i cili është themeli për të përgatitur çdo recetë byreku në kuzhinën shqiptare.

Byreku Shqiptar, i njohur si burek në zonën e Ballkanit dhe në Lindjen e Mesme, është një pjatë e përgatitur me brumë Phyllo ose Filo, pra brumë i holluar.

Siç e dini, mbushjet e ndryshme të byrekut gatuhen me një shumëllojshmëri përbërësish si mishi, bulmeti dhe perimesh. Në kuzhinën shqiptare, kjo recetë është baza për të bërë receta të mbushura me të ëmbla apo të kripura.

Brumi Filo është një brumë i thjeshtë i bërë me miell, ujë, vaj dhe kripë, i cili hapet në petë të holla për recetat e burekut.
Unë do t’ju tregoj se si të bëni vetë brumin bazë, ose brumë filo, për të përgatitur recetat e byrekut shqiptar.

Gjithashtu ju mund të shikoni edhe recetën si të hapim petë me dorë.

Përbërësit – 6-Persona

500 g miell (00)
250 ml ujë
2-3 tbsp vaj ulliri
kripë

Përgatitja

1. Në një enë të thellë hedhim miellin e situr, kripën, vajin e ullirit dhe nisim të përgatisim brumin e byrekut duke shtuar pak nga pak ujin. Brumi i byrekut duhet të jetë i butë. Lëreni të pushojë për 15-20 minuta duke e mbuluar me një pecetë kuzhine që të mos thahet.

1. Për të hapur petët, ndajeni të gjithë brumin në toptha të vegjël.
2. Dhe, duke ndihmuar nga një petës dhe niseshte misri, do të hapim secilën pjesë të brumit në kuleçë të vegjël, për të vijuar më pas në hapjen e petëve të holla derisa të mbuloni sipërfaqen e tepsisë së pjekjes.
3. Gjithashtu, mund të zgjidhni të hapni kuleçët një nga një, ose nga tre ose pesë së bashku.
4. Për më tepër, nëse zgjidhni mënyrën e dytë, duhet të hapim kuleçë me diametër 20 cm duke e lyer ndërmjet tyre me vaj.
5. Pastaj,  holloni me petës tre ose pesë kuleçë në një herë të vetme duke bërë një petë të hollë.  Unë rekomandoj këtë mënyrë për më shumë praktike dhe më shpejt. Në këtë mënyrë do ti bëni petët tuaja në pak minuta gati për recetën tuaj të byrekit. Vaji apo gjalpi i përdorur për t’i lyer ato, do të bëjë që pas pjekjes secila petë të ndahet nga njëra-tjetra.
6. Mënyra e fundit përdoret zakonisht dhe një mënyrë e thjeshtë për të bërë çdo recetë byreku shqiptare, sipas dëshirës tuaj.

Këshilla– Preferoj të shtoj një vezë në brumin e filos. Receta tradicionale është si më sipër, por veza e bën brumin më të shijshëm dhe të shkrifët.

Në Përmbyllje