Biftek Në Stilin Fiorentin është një pjatë e dytë shumë e shijshme e cila kombinuar me sallata të stinës, patate të furrës, djathra, dhe një gotë vere të mirë kthehet në një vakt shumë të pëlqyer nga të gjithë.
Emrin kjo pjatë e merr nga krahina Italiane me të njëjtin emër. Gjithashtu ajo që bën ndryshim nga bërzollat e tjera është prerja anatomike e mishit për të përftuar këtë lloj bërzolle. Pra, kjo është një lloj prerje bërxolle bashkë me fileton. Kështu përftojmë një bërxollë me prerje mbi 2 cm trashësi.
Gatimi në tigan apo zgarë është një gatim që mund ta kryeni të gjithë në familje. Pjekja e bërxollës varet në dëshirën tuaj, pra mund ta gatuani pak, mesatarisht, apo fortë.
Ju mund të provoni edhe Bërxollë Viçi.
Përbërësit
- 3 copa biftek alla Fiorentina ose një biftek për person
- Kripë e trashë
- Piper
- Vaj ulliri
- Rozmarinë
Përgatitja
- Si fillim do të nxehim një tigan ose zgarë të cilën e kemi lyer me vaj ulliri dhe kemi shtuar edhe një degë rozmarinë.
- Do ti lëmë copat e mishit në tiganin e nxehtë dhe sipër do ti hedhim kripën e trashë. Këto lloj prerje mishi janë të trasha dhe duan kohën e tyre që të piqen, por 5-6 min nga cdo krah i mishit për një pjekje të nivelit mesatar (medium) është e mjaftueshme.
- Kur ta kthejmë mishin do ti hedhim përsëri kripë sipër. Mund të përdorni edhe një kapak për tiganin në mënyrë që të piqet më mirë.
- Duhet të jetë rozë në brendësi kur ta presim. E heqim dhe e lëmë mishin të pushojë për disa minuta.
- E servirim të ngrohtë dhe sipër me vaj ulliri krudo dhe piper të zi të bluar në moment.
Këto lloj prerje mishi janë të trasha dhe duan kohën e tyre që të piqen, por 5-6 min nga cdo krah i mishit për një pjekje të nivelit mesatar (medium) është e mjaftueshme.
Ju Bëftë Mirë!
Në Përmbyllje
Mos harroni të na ndiqni në faqet tona pranë rrjeteve sociale Facebook dhe Instagram për të mësuar recetat tona më të fundit.
“As an Amazon Associate, I earn from qualifying purchases. Full disclosure.”