Baked Chicken Wings And Rice-Krahë Pule Me Oriz Në Furrë

Krahë Pule Me Oriz Dhe Perime Në Furrë është një pjatë e dytë shumë e shijshme për gjithë familjen.
Krahët e pulës janë të pëlqyeshëm për familjen time, kështu që ne i gatuajmë në shumë mënyra. Këtë herë kemi zgjedhur ti kombinojmë me orizin dhe perime. Do të jetë dhe vakt i plotë, i shëndetshëm dhe shumë i shijshëm për të gjithë.

Gatimi përgatitet lehtë dhe shpejtë. E gatuajmë pjesërisht në tigan dhe e përfundojmë gatimin në furrë.
Ju mund të provoni edhe krahë pule krokantë ose krah pule të furrës.

Përbërësit

• 300 g oriz
• 1 qepë
• 1 kungull i vogël
• Krahë pule 500 g
• 1 spec jeshil
• 1 karrotë
• Kripë e piper
• Vaj ulliri
• Majdanoz ose nenexhik

Përgatitja

1. Në fillim do të presim qepën hollë dhe do ta shtojmë në një tenxhere me vaj ulliri. E gatuajmë në zjarr të mesëm sa të zbutet.
2. Shtojmë perimet e tjera të prera në kubik të vegjël. I kavërdisim të gjitha për disa minuta dhe shtojmë krahët e pulës të cilat i kemi larë e pastruar nga pupla e qime që mund të kenë.
3. I kavërdisim të gjitha bashkë për 5 minuta dhe shtojmë ujë e kripë.
4. E lëmë të ziejë për 10 -15 minuta që të lëshojë shijen mishi dhe perimet. Kjo do të bëjë që orizi të dali më i shijshëm.
5. Pasi të ketë zierë do të shtojmë orizin dhe duhet ta gatuajmë aty në tenxhere për 10 minuta. Kjo për efekt kohe, që në furrë të mos vonohemi.
6. E shtojmë të gjithën në tavë dhe shtojmë edhe piper të zi të grirë në moment. Mund të shtoni edhe erëza të tjera si nenexhiku. Do të llogarisim lëngun për 300 g oriz duhet rreth 1 l lëng. Mund ta përgatisni edhe duke shtuar direkt orizin në tavë me mishin dhe lëngun por do të duhet dyfishi i kohës për tu bërë gati.
7. Ne e nxehim furrën më parë në 220 gradë dhe e pjekim për 25 minuta.
8. Në fund shtojmë majdanozin e freskët dhe e servirim të ngrohtë.

Ju Bëftë Mirë!

Në Përmbyllje