Best Beef Meatloaf Recipe-Qofte Role Me Mish Viçi

Qofte Role Me Mish Viçi (Polpetone) është një pjatë e dytë shumë e shijshme për tu shijuar si në dreka apo darka në familje, por edhe për tu shërbyer me raste festash apo gëzime familjare. Drekat e të dielës shijojnë më tepër me receta si kjo.
Brumi i qoftes është i ngashëm me qoftet e shtëpisë, ndërkohë për mbushjen kemi përdorur djath në feta dhe proshutë. Ju mund të shijoni edhe receta të tjera qoftesh nga Blogu ynë.

Përbërësit

Për qoften

• 500 g mish i grirë viçi
• 1 vezë
• 50 g djath parmixhan i grirë
• 2 feta buke
• Erëza, kripë e piper i zi

Për mbushjen

• 3-4 feta proshute
• 3-4 feta djath pice
• 2-3 vezë të ziera

Për të shoqëruar

• Patate ose sallatë e freskët

Përgatitja

1. Do të bëjmë gati brumin e qoftes duke i shtuar të gjithë përbërësit në një tas qelqi të madh.
2. Bukën do ta zbusim me ujë, e kullojmë , e thërmojmë dhe e hedhim në tasin ku kemi pjesën tjetër të përbërësve.
3. Përgatisim brumin e qoftes duke i përzierë mirë të gjithë përbërësit.
4. Do të hapim brumin e qoftes mbi një letër furre, në një formë drejtkëndore me trashësi 1 cm.
5. Sipër kësaj shtrese do të vendosim fetat e proshutës dhe të djathit.
6. Në cepin që do të nisim të mbledhim rolenë do të vendosim vezët e ziera të pa prera ose të prera në gjysëm njëra pas tjetrës.
7. E mbledhim rolenë me ndihmën e letrës së furrës dhe ashtu të mbështjellë e fusim në furrë të nxehur më parë në 200 gradë për 45 minuta. Mund të shtoni patate në tavë ose perime të tjera.
8. Nga fundi i pjekjes ja heqim letrën e pjekjes rolesë në mënyrë që të marri një pjekje sipërfaqësore dhe të bëhet kërce.
9. E heqim nga furra dhe e lëmë të ftohet pak para se ta presim në feta dhe ta shërbejmë. Mund ta shoqëroni edhe me një sallatë të freskët.

Ju Bëftë Mirë!

Në Përmbyllje