Yogurt Cream Pie-Tortë Me Krem Kosi

Kjo Tortë Me Krem Kosi është një nga recetat trend të kohëve të fundit, një zëvendësuese shumë e shijshme e Tortës Së Gjyshes, po gjithashtu edhe me e lehtë në shije, duke qenë se kremi i mbushjes përgatitet me Kos dhe jo me qumësht. Përgatitja është shumë e thjeshtë dhe një nga mënyrat më të këndëshme për të përgatitur një tortë të ëmbël. Një ide për ta përgatitur për në fundjavë, apo dhe përditshmëri për të ëmbëlsuar mëngjeset apo vaktet tuaja.

Përbërësit

Për brumin

200 g miell
2 të verdha vezësh (të bardhat i mbajmë për kremin)
75 g gjalp
70 g sheqer
Lëkura e një limoni organik
1 lugë çaji fryrës për ëmbëlsira

Për kremin e kosit

2 të vardhat e vezëve
400 g kos i bardhë
Vanilje
80 g sheqer
3 lugë gjelle miell
Sheqer pluhur për dekor

Përgatitja

Do të përgatisim brumin duke përzierë në një tas qelqi apo porcelani të verdhat e vezëve me sheqerin dhe i trazojme me një tel vezësh sa të bëhet një masë kremoze.
Do të shtojmë gjalpin e shtrirë të ftohtë dhe e trazojmë sërish sa tretet sheqeri dhe masa lidhet mirë.
Shtojmë lëkurën e limonit dhe më pas miellin dhe në fund fryrësin. Do përgatisim një brumë të butë, të cilin nuk e punojmë shumë.
Do e ndajmë në dy pjesë, e mbështjellim me qese dhe e vendosim në frigorifer të pushojë 30 minuta.
Ndërkohë rrahim të bardhat e vezëve marengë me një rrahësë elektrike, do të shtojmë kosin e bardhë, përziejmë sërish, shtojmë sheqerin, vaniljen dhe në fund miellin.
Trazojmë sa të krijohet një krem homogjen. E lëmë mënjanë.
Do të përgatisim tavën ku do pjekin ëmbëlsirën. E lyejme me gjalp dhe pudrosim me miell dhe e lëmë mënjanë.
Do të marrim ½ e brumit dhe me duar do e hapim në formë pete në fund të tavës.
Do të shtojmë kremin e kosit dhe e nivelojmë mirë.
Do grijmë më një renden pjesën tjetër të brumit nga pjesa e trashë e rendenit në sipërfaqe të tavës. Për lehtësi mund ta grini edhe veçmas në një pjatë dhe e sistemojmë me kujdes në krye të tavës. Kjo shtrerë gjatë pjekjes do të jetë peta e dytë ë tortës sonë.
Do e pjekim tortën në furrë të nxehur më parë në 180 gradë për 30-35 minuta.
E nxjerrim nga furra, e heqim nga tava, dhe e pudrosim me sheqer pluhur. Do ta lëmë të ftohet dhe e presim në feta për ta servirur sipas dëshirës.