Supë Vegane Me Lulelakër është një recetë e shpejtë dhe e shijshme. Keto ditë kam respektuar një menu Vegane dhe kam zbuluar delikatesën që të ofrojne perimet dhe shijen e veçantë sipas llojit. Në përgjithësi une preferoj të shtoj lëng pule apo mishi në supat që gatuaj, po panvaresisht shijes së mirë, kam kuptuar që lëngu i mishit shpesh herë na fsheh shijen e vërtetë të perimeve. Ndaj ju sugjeroj ti gatuani perimet edhe thjesht pa mish.
Pra, do të përgatisim këtë supë shumë të shijshme dhe mbi të gjitha një darkë e shpejtë për të gjithë ata që pëlqejnë mënyrën Vegane të të ushqyerit në përditshmerinë e tyre.
Receta e sotme është e thjeshtë, me pak përbërës për një vakt të shëndetshëm.
Ju mund të provoni edhe këtë recetë tjetër të supës me lulelakër.
Përbërësit
- 1 Lulelakër e vogël
- pjesa e bardhë e një preshi
- 1 patate
- Kripë e piper
- Vaj ulliri
- Majdanoz, ose mente
- lëng limoni sipas dëshirës
Përgatitja
- Si fillim do lajmë dhe presim perimet. Kështu, do të pastrojmë pataten dhe e presim në kubik.
- Gjithashtu pastrojmë dhe lulelakrën dhe e presim në copa mesatare.
- Grijmë preshin jo shumë hollë dhe e kavërdisim me vaj ulliri. Shtojmë edhe pak kripë.
- Sa te zbutet pak dhe shtojmë pataten. E kavërdisim edhe atë dhe shtojmë në fund lulelakrën.
- Do i mbulojmë perimet me ujë dhe i lëmë perimet të ziejnë për 15 minuta.
- Sapo ka kaluar koha do i frulojmë me mixer.
- Shtojmë erëza të freskëta të grira hollë, lëng limoni dhe pak vaj ulliri sipër.
- E servirim supën të ngrohtë. Ideale për dietat tuaja dhe ushqyerjen e femijëve tuaj.
Ju Bëftë Mirë! 
Në Përmbyllje
Mos harroni të na ndiqni në faqet tona pranë rrjeteve sociale Facebook dhe Instagram për të mësuar recetat tona më të fundit.