Savory Potato Roll – Role Me Patate

Role Me Patate është një antipastë shumë e shijshme për festa në familje, e cila fare mirë mund të serviret edhe gjatë festave të fundvitit.

Receta përgatitet lehtë dhe me përbërës që ju ndodhen në kuzhinë apo i gjeni fare lehtë në çdo supermarket.
Ashtu edhe si roleja festive që kemi ndarë më parë me ju me Patate dhe Spinaq, ju siguroj se edhe kjo recetë është super e shijshme.

Përbërësit

• 4 patate të mësha ose 1 kg
• 2 vezë
• 2 lugë djath parmixhan i grirë
• Kripë e piper
• 1 lugë miell
• Feta pançete

Për mbushjen

• Spinaq i gatuar
• Djath pice në feta

Përgatitja

1. Do të lajmë mirë patatet dhe i vendosim pa qëruar në një tenxhere me ujë të ftohtë. I vendosim të ziejnë për 30 minuta.
2. Sapo janë gati, i pastrojmë nga lëkurat dhe i shtypim patatet të ngrohta, sepse shtypen me kollaj.
3. Do të shtojmë vezët, djathin e grirë, kripë e piper dhe përgatisim masën e brumit për rolenë.
4. Fillojmë me montimin e rolesë. Kështu, mbi një letër furre do të vendosim fetat e pancetes në mënyrë që kur ta rrotullojmë të jetë mbuluar pjesa e sipërme e rolesë.
5. Vendosim sipër tyre brumin e patates dhe e hapim sipër letrës në një shtesë rreth 1 cm të trashë.
6. I vendosim sipër djathin dhe spinaqin (spinaqin e larë dhe të prerë imët e kalojmë në tigan me pak vaj dhe kripë dhe e gatuajmë për disa minuta.
7. E lëmë të ftohet dhe e mbështjellim role me ndihmën e letrës.
8. Letrën e mbështjellim anëve dhe ashtu të mbështjellë e fusim në 1 tavë të hapur.
9. E pjekim në furrë të nxehur më parë në 200 gradë për 25 minuta.
10. Në 5 minutat e fundit e heqim letrën në mënyrë që të bëhet me krokante.
11. Pasi piqet, e heqim nga furra dhe e lëmë të ftohet derisa të vaket. E presim në feta dhe e shërbejmë të ngrohtë.

Ju bëftë mirë!

Në Përmbyllje