Egg White And Coconut-Kek Me Të Bardha Veze Dhe Arrë Kokosi

Kek Me Të Bardha Veze Dhe Arrë Kokosi është një recetë shumë e thjeshtë dhe e shijshme. Ky kek gatuhet shpejt dhe mbi të gjitha është i lehtë në shije dhe kalori. Nëse ju kanë tepruar të bardha vezësh nga gatimet e tjera që mund të këni kryer atëherë mund ti aplikoni në këtë recetë.

Kjo recetë është e ngjashme me recetën tjetër të ndarë nga ne për kekun me të bardha vezësh, por në këtë rast do gjeni një recetë të kombinimit të më pak përbërësve, të cilët i aplikojmë mesatarisht në masën 100 g apo ml sipas kategorisë. Referoju listës më poshtë.

Përbërësit

• 3 të bardha vezësh – 100 g
• sheqer 100 g
• miell kokosi 100 g
• qumësht i vakët 100 ml
• vaj misri 100 ml
• Vanilje
• 100 g copëza çokollatë e zezë
• 125 g miell 00
• 1 pako fryrës

Përgatitja

1. Si fillim do të ndezim furrën në 180 gradë dhe përgatisim formën e kekut të veshur me një letër furre.
2. Në një tas do të përziejmë përbërësit e thatë. Kështu shtojmë miellin, miellin e kokosit, fryrësin e ëmbëlsirave.
3. Në një tas tjetër do të përziejmë sheqerin me vajin, qumështin e ngrohtë, dhe aromën e vaniljes.
4. Ndërkohë do rrahim edhe të bardhat e vezëve me një rrahese dore me korent sat ë na bëhën marengë e qëndrueshme.
5. Do të shtojmë miellin në masën e lëngët gradualisht dhe përziejmë sa të na formohet një brumë homogjen.
6. Shtojmë edhe të bardhat e vezëve pjesë –pjesë dhe trazojmë më kujdes nga poshtë lart sa të përthithen të gjithat. Në fund do të shtojmë dhe copëzat e çokollatës dhe pasi përziejmë brumin e shtojmë në tavën e përgatitur.
7. Do e pjekim kekun në furrë të parangrohur për 35-40 minuta. Bëni provën me kunj dhëmbësh.
8. E heqim kekun nga furra, e lëmë të ftohet pak, e kalojmë në një pjatë servirje. Pasi ftohet e pudrosim me sheqer pluhur dhe e shërbejmë në copa.

Ju Bëftë Mirë!

Në Përmbyllje