Kallamarë të mbushur është një recetë që nuk duhet të mungojë në tavolinat tona gjatë stinës së verës. Kjo pjatë është një aperitiv, antipastë, pjatë e parë, apo shoqëruese shumë e shijshme, në një drekë ose darkë me prodhime deti.
E thjeshtë për tu përgatitur dhe gati për tu shijuar në pak minuta. Ajo që zë më tepër kohë në këtë recetë është pjesa përgatitore dhe pastrimi i kallamarëve pasi gatimi është shumë i shpejtë.
Përbërësit
- 600 g kallamarë
- 1 tufë majdanoz
- Kripë, piper, rigon i thatë
- 2 feta buke
- 1/2 gotë verë e bardhë
- Hudhër, spec djegës
- Vaj ulliri
Përgatitja
Pastrimi i Kallamarëve
Si më lart theksova, kjo është një recetë e thjeshtë, e cila e ka vështirësinë vetëm te pastrimi i kallamarëve. Me do ju përshkruajmë me detaje hapat e pastrimit të kallamari.
I pastrojmë kallamarët e freskët duke shkëputur trupin nga koka. Duhet ta ruajmë të pa dëmtuar trupin që ta mund ta mbushim. Kallamari ka dhe një kockë trasparente, e cila hiqet duke e tërhequr shumë kollaj. Pastrojmë pjesën e brendshme komplet dhe e lajmë me ujë të rrjedhshëm. E pastrojmë kallamarin dhe nga pjesa e sipërme që ka 2 velëzat dhe një cipë të hollë që hiqet shumë kollaj. Do të na dali kallamari i bardhë dhe i lëmuar. Do të ruajmë edhe pjesën e tentakulave duke e shkëputur nga sytë dhe poshtë. Heqim pjesën e gojës me një thikë ose gërshërë kuzhine. E lajmë me ujë të rrjedhshëm. Mund ti blini kallamarët të pastruar edhe te dyqani i peshkut, vetëm cilësojeni që i doni për mbushje që mos ta çajnë me thikë pjesën e trupit, që është pjesa që do mbushet.
Përgatitja e mbushjes së kallamarëve.
- Në një tigan, hedhim hudhër të grirë, vaj ulliri, dhe spec djeges sipas dëshirës.
- I presim në pjesë të vogla këmbët e kallamarëve dhe i gatuajme për 2-3 minuta në zjarr mesatar.
- E shuajmë me pak verë të bardhë.
- Shtojmë erëzat dhe bukën e thërrmuar, kripë e piper. I mbushim kallamarët me një lugë të vogël dhe i mbyllim me anë të një kruajtëse dhëmbësh.
- Në një tigan, shtojmë 2 lugë vaj dhe 1 thelb hudhër dhe i kalojmë kallamarët e mbushur aty për 5 minuta. I shuajmë me verë të bardhë dhe ngremë temperaturën për 1 minutë sa të avullojë vera.
- I servirim kallamarët e mbushur mënjëherë. I shoqërojmë me sallatë të freskët barishtesh jeshile të përziera, si dhe me gatime të tjera me produkte deti.
I mbushim kallamarët me një lugë të vogël dhe i mbyllim me anë të një kruajtëse dhëmbësh.
Ju bëftë mirë!
Faleminderit për suportin tuaj duke ndarë recetën. Ju ftojmë të lini komentet tuaja nëse do e provoni.
Irinda