Kjo recetë e Linguini me Dateri dhe Domate Të Vogla është shumë verore, e shijshme dhe delikate. Dateri janë një specie e familjes së guaskave të detit që nuk ndodh ti gjejmë shpesh në markatat e peshkut, por nëse rastisni duhet ti provoni, për të realizuar këtë pjatë të parë të thjeshtë dhe plot shije deti.
Përbërësit për 5-6 Persona
- 500 g linguini
- 400 g midhje dateri
- 200 g domate qershi
- 2 thelpinj hudhër
- Vaj ulliri, kripë, piper majdanoz i freskët, borzilok.
Përgatitja
- Lajmë mirë me ujë të rrjedhshëm daretit dhe i vendosim të hapen në një tigan me 1 thelp hudhër dhe 1 lugë vaj ulliri.
- Vendosim një tenxhere me ujë të vlojë për zierjen e makaronave. Kur ujë të vlojë, shtoni kripë dhe zieni makaronat 1-2 minuta më pak se koha e treguar.
- Në një tigan tjetër, shtojmë një thelp hudhër, vaj ulliri dhe 2-3 domate qershi të lara dhe të prera në gjysëm. I gatuajmë domatet me zjarr mesatar për disa minuta.
- Te tigani i salcës shtojmë midhjet e hapura dhe kullojmë lëngun me një kullesë për papastërti. E shtojmë dhe lëngun te salca. Shtojmë piper dhe erëzat e freskëta.
- Provoni për kripë përpara se ti shtoni sepse lëngu i midhjeve është i kripur. Nëse ndonjë nga midhjet nuk është hapur mos e përdorni, midhjet hapen të gjitha kur janë të freskëta.
- Ndërkohë kemi zjerë makaronat dhe i kullojmë al dente. I shtojmë te tigani i salcës dhe i përziejmë për 2 minuta sa të marrin shije. Servirini në moment me një fije vaj ulliri.
Ju bëftë mirë!
Irinda