Kjo recetë e sallatës me spinaq, është një kombinim delikatë dhe plot shije i spinaqit, karkalecave të pjekur, luleshtrydheve plot lëng dhe aromë dhe avokados. Kjo është një recetë që shijon në çdo stinë, por sidomos në stinët e pranverës dhe verës është një mbrekulli.
Kjo është një pjatë plot ngjyra, freski dhe delikatesë.
Karkaleci është një nga prodhimet e detit që mund ta gjeni në çdo kohë në dyqanet e peshkut. Spinaqin dhe përbërësit e tjerë gjithashtu mund ti siguroni me lehtësi. Kombinim i të gjithave e bën këtë sallatë jo vetëm të shijshme por edhe plot vlera ushqyese.
Përbërësit
- 1 tufë Spinaq i freskët
- 4-5 karkaleca të mëdhenj ose 10 karkaleca të vegjël
- 1 avokado
- 5 luleshtrydhe
- 1 lugë çaji fara susami
- Vaj ulliri, kripë, uthull balsamike, lëng limoni
Përgatitja
- Lajmë spinaqin, e lëmë të kullojë ujin e tepërt. Coptojmë gjethet e spinaqit me dorë ose i lëmë ashtu siç janë kur e kemi spinaqin të vogël.
- Marrim një enë për përgatitjen e sallatës dhe shtojmë spinaqin.
- Presim avokadon në kubikë dhe e shtojmë tek spinaqi.
Po kështu, vijojmë me luleshtrydhet, duke i prerë në feta dhe shtuar në të njëjtën enë. - Përgatisim marinimin e sallatës, duke përzierë në një enë, kripë, vaj ulliri, uthull balsamike dhe lëng limoni. Marinojmë sallatën me këtë përzierje.
- Në një tigan, shtojmë vaj ulliri, dhe sapo ngrohet i shtojmë karkalecat e pastruar dhe i gatuajmë per rreth 3-4 minuta sa të marrin ngjyrën e artë.
- Servirim sallatën në një pjatë sallate, shtojmë karkalecat e tiganisur dhe spërkasim me farat e susamit gjithë sipërfaqen e enës.
Po kështu, vijojmë me luleshtrydhet, duke i prerë në feta dhe shtuar në të njëjtën enë.
Ju bëftë mirë.
Faleminderit që vizituat faqen tonë. Jeni të mirëpritur për çdo moment, pyetje, apo nëse doni ta ndani recetën.
Irinda