Easy Mascarpone Peach Cake-Kek Me Mascarpone Dhe Pjeshkë

Kek me Mascarpone Dhe Pjeshkë është nje ëmbëlsirë, e cila shijon shumë në stinën e Verës kur edhe frutat e pjeshkës i kemi te freskëta.  Përdorimi i mascarpone na jep nje resultant, te butë, plot shije. Për këtë recetë përdorim pak përbërës dhe në pak minuta keku është gati për në furrë.

Përbërësit për tavë 22 cm

• 3 vezë
• 140 g sheqer
• 250 g mascarpone
• 1 limon ( lëngu dhe lëkura)
• 3 pjeshkë
• 260 g miell
• 1 pako fryrës
• sheqer pluhur për dekor

Përgatitja

1. Si fillim nxjerrim vezët dhe kremin e djathit Mascarpone nga frigoriferi 20-30 minuta përpara fillimit të përgatitjes me qëllim të jenë në temperaturë ambienti.
2. Përgatisim tavën për pjekje duke e veshur me letër pjekje.
3. Presim pjeshkët e lara ne feta të holla dhe i marinojmë me nje lugë sheqer dhe lëng limoni.
4. Ndezim furrën të ngrohet në 180 gradë dhe fillojmë nga përgatitja.
5. Në një tas qelqi do rrahim vezët me sheqerin me ndihmën e një rrahësi elektrik deri sa vezët të 3-4 fishojme volumin dhe bëhen masë kremoze.
6. Shtojmë lëkurën e limonit dhe djathin Mascarpone dhe përziejmë sërish sa të kemi masë homogjene.
7. Ndërkohë, pjeshkët kanë lëshuar lëngun e tyre gjatë marinimit, të cilin e shtojmë tek kremi.
8. Do të shtojmë miellin e situr të përzierë me fryrësin sa të kemi nje brumë homogjen.
9. Do e hedhin brumin në tavë, vendosim fetat e pjeshkëve sipër duke i ngjeshur lehtë në brumë dhe e vendosim të piqet për 40-45 minuta. Bëjmë provën me kunj dhëmbësh.
10. Pasi piqet e lëmë të ftohet pak, e heqim nga tava, e kalojmë në një pjatë dhe e spërkasim me sheqer pluhur.
11. Kekun e servirim të prerë në feta.