Kjo recetë e makaronave Fuzili me Perime është shumë verore dhe një pjatë e parë plot shije për vaktin tuaj të drekës apo darkës.
Është pjatë shumë e thjeshtë, por ju do të ndiheni harmoninë e perimeve me makaronat gjatë shijimit të saj. Një recetë shumë e dashur për të gjithë që pëlqejnë gatimet vegjetariane dhe konsumojnë më tepër perimet.
Përbërësit -4 Persona
- 1 qepë e kuqe
- 1 thelp hudhër
- 1 karrotë
- 1 kungulleshkë
- 1/2 spec i kuq
- 1/2 spec jeshil
- 1 patëllxhan i madh ose 2 të vegjël.
- 1-2 Domate të pjekura
- 1-2 gjethe dafine, një degë rozëmarinë, majdanoz, trumzë, sherebel, ose erëza të tjera që ju pëlqejnë.
- 50 g djath i grirë parmixhan
- Vaj ulliri, kripë, Piper
Përgatitja
- Mbudhim tenxheren me ujë dhe e vëmë të ziejë për gatimin e makaronave.
- Në një tigan, shtojmë pak vaj ulliri, qepën dhe hudhrën e grirë, si dhe gjethet e dafinës, degën e rozëmarinës, sherebel. I lëmë të gatuhen me kapak mbuluar derisa qepa të zbutet. Nëse nevojitet shtoni pak ujë.
- Shtojmë perimet e prera kubikë me radhë në tigan. Kështu shtojmë karrotën, kungullin, specin, patëllxhanin, i kaurdisim bashkë me qepën dhe sa të nisin të zbuten shtojmë domaten e grirë me rende ose të prerë kubikë.
Shtojmë kripë, piper, dhe i lëmë të gatuhen së bashku gjithë perimet të krijojnë salcën e makaronave. Perimet i gatuajmë në nxehtësi mesatare, pa ju a prishur formën. - Ndërkohë kemi hedhur kripë në tenxheren që vlon dhe makaronat të ziejnë, 1-2 minuta më pak se koha e paketimit.
- Sapo makaronat janë gati, i kullojmë dhe i shtojmë te salca dhe i përziejmë me kujdes për 1-2 minuta.
I shtojmë dhe pak ujë nga i zierjes së makaronave nëse salca është shumë e thatë, shtojmë vaj ulliri, erëza dhe i shërbejmë të ngrohta.
Në pjatë u shtojmë djath të grirë parmixhan.
Ju bëftë mirë!
Faleminderit që ndaluat dhe vizituat këtë recetë. Ndjehuni të lirë të lini komentet, pyetjet tuaja apo ndani recetën.