Tarta me Fruta dhe Krem Pastiçerie është një recetë e shijshme dhe plot aroma delikate të frutave përzierë me kremin e pastiçerisë. Stina e verës është plot fruta, ndaj përgatitja e ëmbëlsirave me fruta na intrigon, sepse janë shumë të shijshme. Ju ftoj ta përgatisni këtë recetë në fundjavë.
Përbërësit
- 1 racion brumi për krostat, teeth 400 g brumë
- 250 g krem pastiçerie
- Fruta të ndryshme, boronica, mjedra, kumbull, nektarina etj.
Për përgatitjen e krostatës duhet:
- 1 vezë
- 200 g miell
- 100 g sheqer
- 100 g gjalpë pa kripë
- Lëkurë limoni e grirë
- 1 luge caji fryrës për ëmbëlsira
- Pak kripë
Për më shumë detaje mbi përgatitjen e brumit të krostatës, ju ftoj të lexoni recetën Këtu.
Përbërësit për Kremin e Pastiçerisë:
- 250 ml qumësht
- 2 të verdha veze
- 2 lugë sheqer
- 1 lugë miell
- Lëkurë limoni ose vanilje
Për më shumë detaje mbi përgatitjen e kremit të pastiçerisë, ju ftoj të lexoni recetën Këtu.
Përgatitja
- Përgatisim brumin sic e kemi treguar dhe më parë dhe pasi e kemi lënë të pushojë për 1 orë në frigorifer, e hapim petë dhe e rregullojmë në forma.
- Ndërkohë kemi ndezur furrën të ngrohet në 180 gradë.
- I pjekim tartat në furrën e nxehur më parë për 12-14 minuta, sa të marrin ngjyrë të artë. I heqim nga furra dhe i lëmë të ftohen.
- Përgatisim kremin e pastiçerisë siç e kemi treguar më parë dhe e lëmë të ftohet.
- Mbushim tartat me krem dhe i dekorojmë sipër me fruta të freskëta. Ëmbëlsirat i shërbejmë me çajra të ftohtë, komposto ose lëngje frutash të freskëta të përgatitura vetë, kafe dhe janë të përshtatëshme për bankete e festa të ndryshme.
Ju bëftë mirë!
Faleminderit që na ndiqni dhe fundjavë të mbarë.
Irinda