Cauliflower Cheese Omelette-Omletë Me Lulelakër E Kaçkavall

Omletë Me Lulelakër Dhe Djath Kaçkavall është shumë e shëndetshme dhe ideale për këtë stinë.

Ky është një version i thjeshtë i omletës me lulëlakër, djath kaçkavall dhe qumësht. Ju mund ti hidhni edhe një sy kësaj recete tjetër të omletës me lulëlakër.

Receta gatuhet lehtë dhe është një zgjidhje shumë e mirë për një darkë të lehtë.

Përbërësit

• 1/2 lulelakër e vogël
• 4 vezë
• 1 lugë djadh kaçkavall i grirë
• ½ filxhan kafe qumësht
• Kripë e piper
• Vaj ulliri dhe pak gjalp
• Majdanoz i freskët

Përgatitja

1. Në fillim do të presim në copa të vogla lulelakrën dhe e lajmë mirë.
2. Lulelakrën e prerë do e ziejmë për disa minuta në ujë të vluar me pak kripë dhe e kullojmë nga uji.
3. Në një tas rrahim vezët sa të përzihen mirë. Shtojmë edhe qumështin, kripë e piper, djath të grirë dhe majdanoz të freskët.
4. Në një tigan që nuk ngjit do të shtojmë gjalpin dhe pak vaj dhe e lëmë të nxehet.
5. Shtojmë lulelakrën e copëtuar dhe të zierë dhe e lëmë të marri një ngrohje për 2 minuta.
6. Shtojmë përgatitjen e vezëve dhe mbulojmë gjithë sipërfaqen e tiganit.
7. E lëmë të gatuhet në zjarr të mesëm sa të shohim që është mpiksur. Ka dy mënyra që omleta të piqet mirë nga të dyja anët.
   1. Së pari, e mbulojmë ompletën me kapak. Më pas e kthejmë nga ana tjetër me ndihmën e një pjate ose kapaku tjetër. Në fillim e kthejmë mbi kapak dhe pastaj e rrëshqasim ngadalë në tigan përsëri. Edhe për një tjetër minutë dhe e heqim nga zjarri.
   2. Mënyra tjetër është të përdorim një tigan dysh, i cili lehtësisht na ndihmon ta gatuajmë omletën fillimisht në njërën anë dhe më pas në anën tjetër.

Omletën më lulelakër e servirim të ngrohtë.

Ju Bëftë Mirë!

Në Përmbyllje