Kjo recetë e Biskotave me Kakao është shumë e shpejtë, pa vezë dhe shumë e shijshme. Janë një zevendësues shumë i mirë i biskotave me çokollatë, po aq të shijshme dhe perfekte për mëngjes, të shoqërohen me kafe, çaj, apo lëngje të tjera analkolike që ju preferoni.
Këto janë një zgjidhje e shpejtë kur nuk keni çfarë të konsumoni për mëngjes apo gjatë pasditeve tuaja. Gatuhen me një brumë të shpejtë me bazë gjalpi që i bën të buta dhe i shton shijen.
Ju mund të provoni edhe recetën tonë të kekut me Dardhë dhe Kakao.
Përbërësit
- 240 g miell 00
- 140 g sheqer
- 80 g kakao e hidhur
- 1 tsp fryrës ëmbëlsirash
- Lëkurë limoni ose vanilje
- 100 g gjalp pa kripë
- 100 ml qumësht
- Sheqer pluhur për dekor
Përgatitja
- Në një tas të thellë, përziejmë të gjithë përbërësit e thatë, miellin dhe kakaon e situr, fryrësin e ëmbëlsirave, sheqerin, lëkurë limoni.
- Shtojmë gjalpin nga frigoriferi në copa dhe fillojmë të zëmë brumin duke shtuar dhe qumështin pak nga pak. Do të zihet një brumë i butë dhe jo ngjitës.
- Ndezim furrën në 180 gradë.
- Përgatisim një tavë për pjekje me letër furre.
- Hapim direkt brumin në një petë me trashësi 1 cm, ndihmuar dhe me pak miell, e presim brumin me format e biskotave që dëshirojmë dhe i vendosim në tavë.
- I pjekim në furrën e nxehur më parë për rreth 9 minuta në furrë statike, apo më pak në furrë me ventilim.
- I nxjerrim nga furra dhe i pudrosim me sheqer pluhur.
I pjekim në furrën e nxehur më parë për rreth 9 minuta në furrë statike, apo më pak në furrë me ventilim.
Ju bëftë mirë!
Faleminderit për komentet dhe pyetjet tuaja.