Peshk i Lëngshëm në Letër Furre është një nga mënyrat e gatimit të peshkut që pasi ta provoni nuk do hiqni më dorë prej saj. Ne duam të ndajmë me ju gatimin e lëvrekut të detit në këtë mënyrë por ju mund të gatuani llojin e peshkut që preferoni. Mjafton që peshku të jetë i freskët. Kjo recetë e gatimit të peshkut është shumë e thjeshtë për tu përgatitur dhe ju siguroj që del shumë e shijshme dhe pëlqehet edhe nga fëmijët e vegjël. Ju në këtë mënyrë do të përgatisni një pjatë kryesore shumë të shijshme jo vetëm për vaktet tuaja familjare por edhe për festa.
Përbërësit
- 1 peshk lëvrek deti 500 gram
- Erëza të ndryshme: majdanoz, hudhër, trumëz, rozmarinë, lëkurë limoni, gjethe borziloku, manxhuranë. Sipas dëshirës mund të shtoni edhe gjethe sherebelë dhe gjethe dafine.
- Vaj ulliri.
- Kripë dhe piper
- Letër furre dhe letër alumini
Përgatitja
- Lajmë e pastrojmë peshkun dhe e thajmë me letër kuzhine.
- Nxehim Furrën në 200 gradë.
- Përgatisim erëzat duke i larë dhe copëtuar, ose dhe i lëmë një pjesë si janë. E marinojmë peshkun me kripë e piper dhe të gjitha erëzat i fusim në pjesën e hapur të barkut. Shtojmë edhe lëkurë limoni dhe hudhër të grirë. Marrim një tave dhe shtojmë poshtë letër alumini në brendësi vendosim letër furre. Vendosim peshkun me kujdes dhe i hedhim vaj ulliri sipër. Mund ti shtoni edhe lëng limoni (opsionale). E mbështjellim peshkun me letër furre dhe letër alumini sikur po paketojmë një dhuratë duke e izoluar mirë nga të gjitha anët. E pjekim ne furrë të nxehur në 200 gradë për 25-30 minuta. Peshkun servireni të ngrohtë të shoqëruar me lëngun e vet. Shija delikate e peshkut të freskët e kombinur me erëzat do ta bëjnë këtë mënyrë të gatimit shume të veçantë.
Marrim një tave dhe shtojmë poshtë letër alumini në brendësi vendosim letër furre.
Vendosim peshkun me kujdes dhe i hedhim vaj ulliri sipër. Mund ti shtoni edhe lëng limoni (opsionale). E mbështjellim peshkun me letër furre dhe letër alumini sikur po paketojmë një dhuratë duke e izoluar mirë nga të gjitha anët. 
E pjekim ne furrë të nxehur në 200 gradë për 25-30 minuta. Peshkun servireni të ngrohtë të shoqëruar me lëngun e vet. Shija delikate e peshkut të freskët e kombinur me erëzat do ta bëjnë këtë mënyrë të gatimit shume të veçantë.
Ju bëftë mirë!
Faleminderit që na ndiqni dhe ndani recetat tona.