Supa e peshkut është një supë e thjeshtë dhe shumë e shëndetshme për të gjithë familjen. Ne kemi disa mënyra për përgatitjen e kësaj supe por sot po u tregojmë Recetën Më Të Mirë Të Supës Së Peshkut, e cila është edhe një nga recetat më të thjeshta, për të gatuar supën e peshkut.
Përbërësit
- 300 g peshk ose koka e një peshku të madh
- 1 patate
- 1 karrotë
- 1 kungull
- 1/2qepë
- 1 limon
- 1 tufë majdanoz I grirë imët
- Vaj ulliri , kripë dhe piper.
Përgatitja
- Lajmë perimet, pastrojmë lëkurat dhe i presim në copa të mëdha.
- Në një tenxhere të mesme vëmë të ziejë për rreth 20 minute perimet dhe peshkun e pastruar, të pa prerë sepse do e kemi më të lehtë që ta pastrojmë më pas nga halat dhe lëkura.Shtojmë dhe disa degë majdanoz dhe pak kripë.
- Kur të ketë zierë gjithcka, nxjerrim peshkun, e lëmë të ftohet dhe e pastrojmë nga halat dhe lëkurat duke e nxjerrë mishin veç.
- E kullojmë lëngun në një tenxhere tjetër shtojmë dhe copat e perimeve dhe e frulojmë me një mixer. Do të dali një masë kremoze dhe e hollë. Hedhim kremin e perimeve në tenxhere,
shtijmë copat e peshkut dhe e lëmë supën të marrë valë për 3-4 minuta. - E rregullojmë supën me kripë, piper, majdanoz të grirë imët, vaj ulliri, dhe lëng limoni.
- Shërbejeni supën të ngrohtë. Kjo recetë është pjata e parë deale e një dreke ose darke me peshk. Shijoni kohën në familje.
Për këtë recetë mund të përdorni llojin e peshkut që preferoni.
Për çdo pyetje, lutem plotësoni formën më poshtë. Ne do ju përgjigjemi sa më shpejt.