Keku Me Banane Dhe Çokollatë është një recetë shumë e thjeshtë për tu realizuar dhe me një shije delikate. Keku është i aromatizuar, i butë dhe i ngjashëm me një brauni në pamje dhe shumë I shijshëm për tu konsumuar në mëngjes, pas një vakti me pak akullore apo të shoqëroni çajin e pasdites.
Ju mund të provoni edhe Kek me Banane dhe mollë ose Muffin me Banane dhe çokollatë.
Përbërësit
- 2 vezë
- 105 g Sheqer
- 125 ml vaj vegjetal
- 370 g Banane të pjekura
- 1 lugë çaji aromë vanilje
- 220 g Miell
- 1/2 pako fryrës për ëmbëlsira
- 60 g Kakao
- 60 g çokollatë e zezë
- Pak kripë
- Sheqerpluhur
Përgatitja
- Si fillim përgatisim një tavë keku duke e shtruar bazën me letër furre, si dhe e lyejmë me gjalp dhe pudrosim me miell anëve.
- Në një tas do të rrahim vezët me sheqerin dhe pak kripë sa të rrisin ndjeshëm volumin dhe të bëhen shkrumë e bardhë.
- Shtojmë aromën e vaniljes dhe vajin në fije dhe vazhdojmë përzierjen me rrahësin e vezëve elektrik duke përftuar një masë kremoze.
- Bananet do i shtypim me pirun dhe do i shtojmë të masa e lëngët duke vazhduar përzierjen për të përftuar një masë homogjene.
- Veçmas përziejmë miellin me fryrësin dhe kakaon, e sitim dhe e shtojmë gradualisht duke përzierë te masa e lëngët sa të na bëhet brumi i kekut.
- Do të shtojmë edhe çokollatën e grirë me një thikë. Përziejmë me një spatul dhe brumin e kekut e hedhim në tavën e pregatitur.
- E pjekim në furrë të parangrohur në 170 gradë për 40-45 minuta, varet nga furra. Bëni provën me kunj dhëmbësh.
- Pasi piqet, e heqim nga tava, e vendosim në një pjatë, e pudrosim me sheqer pluhur sipas dëshirës dhe e lëmë të ftohet plotësisht.
- E presim në feta dhe e shërbejmë sipas dëshirës.
Ju bëftë mirë.
Faleminderitqë na mbështesni dhe provoni recetat tona. Jeni të mirëpritur të lini një koment apo pyetje lidhur me recetën apo Blogun tonë. Në vlerësojmë opinionin tuaj dhe përmirësohemi falë jush.