Apple Mascarpone Cake-Kek Me Mollë Dhe Maskarpone

Kek me mollë dhe djath maskarpone është një ëmbëlsirë e thjesht, që mund ta shijojmë për mëngjes apo gjatë ditës. Këtë recetë mund ta gatuajmë në çdo stinë të vitit duke qenë se molla është një prej frutave që mund të gjejmë lehtësisht në çdo muaj të vitit.

Kombinim i saj me djathin maskarpone e bën këtë kek më të butë dhe të shijshëm. Fëmijët e pëlqejnë shumë.

Ju mund të provoni edhe Biskota Me Mollë

Përbërësit

3 Vezë
220 g sheqer
250 g maskarpone
3 mollë golden
1 pako fryrës
350 g miell
Pak vanilje
Pak kripë
Lëkurë limoni e grirë
Sheqer pluhur 1 lugë

Përgatitja

Pastrojme mollët e lara nga lëkurat dhe meset. I presin mollët në kubik të vegjël dhe i lëmë veç.
Në një tas të madh me ndihmën e përzierësit elektrik, do i rrahim vezët me sheqerin derisa të bëhet shkumë. Shtojmë maskarponen dhe vazhdojmë përzierjen.
E përziejmë mirë për 2-3 minuta. Do të shtojmë lëkurën e gjysëm limoni të grirë dhe pak vanilje.
Do të shtojmë gradualisht miellin e përzierë me fryrësin dhe pak kripë.
Kur të jetë formuar një brum homogjen, do të shtojmë mollët e grira. E përziejmë mirë në mënyrë që të na shpërndahen copay e mollës njëtrajtesisht dhe e hedhim në një tavë me hapje, të lyer me gjalp dhe miell, ose të veshur me letër furre.
E pjekim në furrë të nxehur më parë në 180 gradë për rreth 50 minuta. Do të bëni provën me kunj dhëmbësh për të parë nëse është pjekur si duhet.
E nxjerrim nga furra dhe e lëmë të ftohet, sa të vaket.
E heqim nga tava dhe e vendosim në një pjatë. E spërkasim me sheqer pluhur dhe e servirim sipas dëshirës.